بنیادی صفحہ / سعودی عرب / آج کے کالمز / کورونا پابندیوں سے بچنےکیلئے دولہے نے پورا جہاز بُک کروا لیا

کورونا پابندیوں سے بچنےکیلئے دولہے نے پورا جہاز بُک کروا لیا

شادی کے پرمسرت موقعے پر ہر کوئی چاہتا ہے کہ اس کی تقریبات پر دوست احباب سمیت رشتہ دار رونق میلہ لگائیں تاہم آج کل کوویڈ کی سنگین صورتحال کے سبب بھارت کے کئی علاقوں میں کرفیو لگا ہوا ہے اور تقریبات میں مہمانوں کی تعداد انتہائی محدود رکھی جارہی ہے۔

ایسے میں بھارتی ریاست تامل ناڈو کے شہر مدورائی سے تعلق رکھنے والے جوڑے نے ایسا حیران کن قدم اٹھایا کہ متعدد لوگوں کو سن کر یقین ہی نہیں آسکا۔

بھارتی میڈیا رپورٹ کے مطابق تامل ناڈو میں کرفیو کے باعث دولہے راکیش کے والد نے مدورائی سے بنگلور تک دو گھنٹے کیلئے جہاز کرائے پر لیا اور اپنے 161 رشتہ داروں کے ساتھ بیٹے کی شادی کی تقریب مکمل کی۔

رپورٹ کے مطابق جہاز نے جیسے ہی ٹیک آف کیا ویسے ہی ان کی شادی کی رسومات کا آغاز ہوگیا اور جب یہ لینڈ ہوا اس وقت تک دونوں رشتہ ازدواج میں منسلک ہوچکے تھے۔

جہاز میں موجود تمام افراد کے پاس کوویڈ ٹیسٹ کی رپورٹس موجود تھیں جو کہ منفی تھیں۔

اس انوکھی شادی کی ویڈیو مائیکر و بلاگنگ ویب سائٹ ٹوئٹر پر صارف کی جانب سے شیئر کی گئی جو دیکھتے ہی دیکھتے وائرل ہوگئی۔

ویڈیو میں دولہا راکیش اور دلہن دکشنا کو دیکھا جاسکتا ہے جس میں دولہا ہندو رسم کے تحت دلہن کو منگل سوتر پہنا رہا ہے، اس موقع پر ارد گرد ان کے رشتہ دار بھی موجود ہیں۔

تعارف: admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*