86

پی ایس ایل کا فائنل دیکھنے کون سی نامور شخصیات نیشنل اسٹیڈیم میں موجود ہیں؟

کراچی: پاکستان سپر لیگ کے چوتھے ایڈیشن کا فائنل دیکھنے کے لیے صدر مملکت عارف علوی اور آرمی چیف جنرل قمر جاوید باجوہ سمیت سیاسی اور شوبز سے وابستہ نامور شخصیات گراؤنڈ میں موجود ہیں۔

گورنر سندھ عمران اسماعیل اور وزیراعلی سید مراد علی شاہ کے علاوہ آرمی چیف جنرل قمر جاوید باجوہ، ڈی جی آئی ایس پی آر میجر جنرل آصف غفور بھی اسٹیڈیم میں بیٹھ کر میچ سے لطف اندوز ہو رہے ہیں۔

انٹرنیشنل کرکٹ کونسل (آئی سی سی) کے چیف ایگزیکٹو ڈیو رچرڈ اور چیئرمین پاکستان کرکٹ بورڈ (پی سی بی) احسان مانی بھی پی ایس ایل فائنل دیکھنے کے لیے اسٹیڈیم میں موجود ہیں۔

اس کے علاوہ وزیر مملکت برائے داخلہ شہریار خان آفریدی، وفاقی وزیر ریلوے شیخ رشید، خیبرپختونخوا کے وزراء عاطف خان اور شوکت یوسفزئی اور وزیراعظم کے مشیر عثمان ڈار بھی نیشنل اسٹیڈیم میں موجود ہیں۔

پی ایس ایل فائنل کی اختتامی تقریب میں 23 مارچ کا مکمل تھیم سونگ بھی پیش کیا گیا جس پر گلوکار ساحر علی بگہ نے پرفارم کیا۔ اس کے علاوہ اداکار فواد خان، آئمہ بیگ، ذوہیب حسن اور دیگر نے بھی پرفارم کیا۔

اس خبر پر اپنی رائے کا اظہار کریں

اپنا تبصرہ بھیجیں