بنیادی صفحہ / اہم خبریں / حکومت نے پیٹرول فی لیٹر 2 روپے 7 پیسے سستا کردیا

حکومت نے پیٹرول فی لیٹر 2 روپے 7 پیسے سستا کردیا

حکومت نے پیٹرولیم مصنوعات کی قیمتوں میں رد و بدل کا اعلان کردیا اور پیٹرول کی فی لیٹر قیمت میں 2 روپے 7 پیسے کمی کردی گئی ہے۔

وزارت خزانہ کی جانب سے جاری نوٹیفکیشن کے مطابق پیٹرول کی نئی قیمت 86 روپے فی لیٹر مقرر کردی گئی ہے۔

خیال رہے کہ گزشتہ روز آئل اینڈ گیس ریگولیٹری اتھارٹی (اوگرا) نے یکم اپریل سے پیٹرول کی فی لیٹر قیمت میں 5 روپے 26 پیسے کمی کی سفارش کی تھی تاہم دو روپے ہی کم کیے گئے۔وزارت خزانہ کے مطابق ڈیزل کی قیمت میں بھی فی لیٹر 2روپےکمی کردی گئی ہے جس کے بعد ڈیزل کی نئی قیمت 96 روپے 45 پیسے فی لیٹر ہوگئی ہے.مٹی کے تیل کی قیمت میں کوئی تبدیلی نہیں کی گئی اور اس کی قیمت 76 روپے 46 پیسے فی لیٹرہی رہےگی۔

لائٹ ڈیزل آئل کی قیمت میں بھی کوئی کمی بیشی نہیں کی گئی اور اس کی قیمت قیمت65 روپے 30 پیسے فی لیٹر برقرار رہے گی۔

اپریل کے مہینے کے لیے نئی قیمتوں کا اطلاق رات 12 بجے سے ہوجائے گا۔

حکومت کی جانب سے گزشتہ چند ماہ سے پیٹرولیم مصنوعات کی قیمتوں میں مسلسل اضافہ کیا جارہا تھا تاہم اس ماہ حکومت نے قیمتوں میں کمی کی ہے۔

خیال رہے کہ اوگرا کی جانب وزارت پیٹرولیم کو سمری بھیجی گئی تھی جس میں پیٹرول کی قیمت میں 5 روپے 26 پیسے کمی جب کہ 65 پیسےاضافے سے ہائی اسپیڈ ڈیزل کی نئی قیمت 99 روپے 10 پیسے فی لیٹر مقرر کرنے کی سفارش کی گئی تھی۔

اوگرا نے مٹی کا تیل 13 پیسے اور لائٹ ڈیزل 55 پیسے مہنگا کرنے کی بھی سفارش کی تھی

تعارف: admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*