بنیادی صفحہ / اہم خبریں / ٹھٹھہ کشتی حادثہ ،ریسکیو آپریشن جاری ، جاں بحق افراد کی تعداد22 ہوگئی

ٹھٹھہ کشتی حادثہ ،ریسکیو آپریشن جاری ، جاں بحق افراد کی تعداد22 ہوگئی

ٹھٹھہ: کشتی حادثہ میں لاپتہ50سے زائد افراد کی تلا ش کیلئے ریسکیو آپریشن جاری ہے جبکہ جاں بحق افراد کی تعداد بائیس ہوگئی ہیں۔

تفصیلات کے مطابق ٹھٹھہ کشتی حادثہ میں لاپتہ50سے زائد افراد کی تلا ش کیلئے ریسکیو آپریشن دوبارہ شروع کیا گیا ، نیو پیر بھٹائی میلے میں جانے والے مزید 4 زائرین کی لاشیں نکال لی گئی ہے ، جس کے بعد جاں بحق افراد کی تعداد 22 ہوگئی ہیں۔

لیاری ،میمن گوٹھ،گڈاپ میں گھروں پرمیتیں پہنچنے پرکہرام مچ گیا، سالارگوٹھ میں چھ افراد کی نماز جنازہ ادا کردی گئی ہے، نمازجنازہ میں پی ٹی آئی رہنما حلیم عادل شیخ سمیت سیاسی رہنماؤں نے شرکت کی۔

یاد رہے کہ گذشتہ روز ٹھٹہ کے ساحلی علاقے بوہارا سے زائرین کشتی میں سوار ہوئے، زائرین کی منزل نیو بھٹائی پیر میلہ تھا لیکن کشتی تھوڑی دور ہی چل کر الٹ گئی، کشتی میں ڈیڑھ سو سے دو سو لوگ سوار تھے۔
عینی شاہدین نے بتایا کہ کشتی میں گنجائش پچاس افراد کی تھی لیکن ملاح نے رقم کے چکر میں ڈیڑھ سو سے زائد لوگ بٹھائے، کشتی میں سوار خواتین اوربچوں سمیت متعدد افراد جان سے گئے۔

زخمی ہونیوالوں کو میر پور ساکرو اسپتال منتقل کیا گیا، رسیکیو آپریشن میں پاکستان نیوی، ایدھی اور مقامی غوطہ خورحصہ لے رہے ہیں۔

حادثے میں جاں بحق زیادہ تر افراد کا تعلق کراچی کے مضافاتی علاقوں سے تھا۔

دوسری جانب پولیس نے کشتی کے مالک سمیت تین افراد گرفتارکرلیا ہے

تعارف: admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*