بنیادی صفحہ / اہم خبریں / پشتون آباد میں آپریشن شروع کر رہے ہیں: سیکٹر کمانڈر ایف سی

پشتون آباد میں آپریشن شروع کر رہے ہیں: سیکٹر کمانڈر ایف سی

کوئٹہ: ایف سی کے سیکٹر کمانڈر تصور ستار کا کہنا ہے کہ کوئٹہ کے علاقے پشتون آباد میں آپریشن شروع کر رہے ہیں۔ آپریشن سے پہلے عمائدین کو اعتماد میں لے لیا ہے۔

تفصیلات کے مطابق ایف سی کے سیکٹر کمانڈر تصور ستار اور ڈی آئی جی کوئٹہ عبد الرزاق چیمہ نے مشترکہ پریس بریفنگ دی۔

اس موقع پر سیکٹر کمانڈر تصور ستار نے بتایا کہ کوئٹہ کے علاقے پشتون آباد میں آپریشن شروع کر رہے ہیں۔ علاقے کو 4 حصوں میں تقسیم کیا ہے۔ آپریشن کے لیے تمام ٹیموں میں خواتین اہلکار شامل ہیں۔

سیکٹر کمانڈر کا کہنا تھا کہ آپریشن سے پہلے عمائدین کو اعتماد میں لے لیا ہے۔ آپریشن کے لیے ڈاکٹرز اور دیگر عملے کو اسٹینڈ بائی رکھا ہے۔ آپریشن کے دوران ہر گھر پر 6 فراد پر مشتمل ٹیم جائے گی۔

ان کے مطابق پولیس کے 270 جبکہ ایف سی کے 791اہلکار آپریشن میں حصہ لیں گے۔ سرچ آپریشن میں ریسکیو اور فائر بریگیڈ اہلکار بھی شامل ہیں۔

سیکٹر کمانڈر نے بتایا کہ انٹیلی جنس اداروں سے رابطے کے بعد سرچ آپریشن کیا جا رہا ہے۔ پشتون آباد میں 3 ہزار گھروں کے کوائف چیک کیے جائیں گے جبکہ سرچ آپریشن کے دوران مکینوں کو تحائف بھی دیں گے۔

تعارف: admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*