بنیادی صفحہ / اہم خبریں / آرمی چیف سے امریکی کمانڈر سینٹرل کمانڈ کی ملاقات

آرمی چیف سے امریکی کمانڈر سینٹرل کمانڈ کی ملاقات


راولپنڈی: امریکی سینٹرل کمانڈ کے سربراہ جنرل جوزف نے جی ایچ کیو راولپنڈی کا دورہ کیا۔ اس موقع پر آرمی چیف سے بھی ان کی ملاقات ہوئی۔

پاک فوج کے شعبہ تعلقات عامہ آئی ایس پی آر کے مطابق امریکی سینٹرل کمانڈ کے سربراہ جنرل جوزف نے جی ایچ کیو راولپنڈی کا دورہ کیا۔ اس موقع پر امریکی سینٹرل کمانڈ کے سربراہ کی آرمی چیف جنرل قمر جاوید باجوہ سے بھی ملاقات ہوئی۔

ملاقات میں آرمی چیف کا کہنا تھا کہ افغانستان میں امن پاکستان کے لیے بھی انتہائی ضروری ہے۔ پاکستان تمام تر مشکلات کے باوجود اپنا کردار بھرپور انداز میں ادا کر رہا ہے تاہم افغانستان کی جانب سے جوابی طور پر اطمینان بخش تعاون نہیں ہو رہا ہے۔

آرمی چیف کا کہنا تھا کہ سرحد پار سے مسلسل دہشت گردوں کے حملے جاری ہیں۔

انہوں نے کہا کہ بہتر مستقبل اور قوم کی امنگوں کے مطابق تعاون جاری ہے۔

اس موقع پر جنرل جوزف نے دہشت گردی کے خلاف پاکستان کی قربانیوں کا اعتراف کرتے ہوئے اس کی تعریف بھی کی۔

تعارف: admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*