بنیادی صفحہ / اہم خبریں / آئی سی جے الیکشن: بھارتی جج بینچ کا حصہ بننے کی دوڑ میں شامل

آئی سی جے الیکشن: بھارتی جج بینچ کا حصہ بننے کی دوڑ میں شامل

اسلام آباد: جہاں پاکستان عالمی عدالت انصاف (آئی سی جے) میں بھارتی جاسوس کلبھوشن کیس کی تیاری کر رہا ہے وہیں ایک بھارتی جج آئی سی جے بینچ میں مستقل عہدہ حاصل کرنے کے لیے انتخابات کی دوڑ میں شامل ہوگئے اور برطانوی جج کے ساتھ الیکشن کے آخری مرحلے میں مقابلہ ہوگا۔

آئی سی جے میں ہونے والی نئی پیشرفت سے آگاہ ذرائع نے ڈان کو نام نہ ظاہرکرنے کی درخواست پر بتایا کہ ’آئی سی جے کی بینچ کا حصہ بننے کے لیے بھارتی جج دلویر بھنداری نے برطانوی جج سر کرسٹوفر گرین ووڈ کے مابین ووٹنگ ہوئی جس میں دونوں امیدواروں کے حق میں برابر ووٹ آئے‘۔

عالمی عدالت انصاف میں ہر تین سال بعد مقدمات کی سماعت کے لیے 15 رکنی بینچ تشکیل دیا جاتا ہے جس میں اراکین کی تعداد کو مکمل کرنے کے لیے انتخابات کروائے جاتے ہیں اور ان انتخابات میں کامیاب ہونے والا امیدوار آئندہ 9 سال کے لیے بینچ کا حصہ بنتا ہے۔

آئی سی جے میں مقدمات سننے کے لیے 15 رکنی بینچ میں ہر 3 سال بعد 5 ججز کا انتخاب کیا جاتا ہے جو آئندہ 9 سال کے لیے جج منتخب کر لیے جاتے ہیں۔

آئندہ 9 برس کے لیے پانچ ججز میں سے 4 ججز کا انتخاب کیا جا چکا ہے جن کا تعلق برازیل، لبنان، فرانس اور صومالیہ سے ہے تاہم پانچویں جج کے انتخاب کے دوران بھارتی جج دلویر بھنداری اور انگلینڈ سے تعلق رکھنے والے جج سر کرسٹوفر گرین ووڈ کے درمیان مقابلہ ٹائی ہوگیا۔

تعارف: admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*