بنیادی صفحہ / اہم خبریں / دہشتگردوں کی محفوظ پناہ گاہوں پر پاکستان کا رویہ تبدیل نہیں ہوا، نیٹو کمانڈر

دہشتگردوں کی محفوظ پناہ گاہوں پر پاکستان کا رویہ تبدیل نہیں ہوا، نیٹو کمانڈر


نیٹو اتحاد کے امریکی کمانڈر جنرل جان نکلسن کا کہنا ہے کہ دہشت گردوں کی محفوظ پناہ گاہوں کے حوالے سے پاکستان کا رویہ بالکل بھی تبدیل نہیں ہوا اور نہ ہی وہ تعاون کر رہا ہے۔

امریکی نشریاتی ادارے سی این این کے مطابق بیلجئم کے شہر برسلز میں نیٹو کے دفاعی وزیروں سے ملاقات کے بعد نیٹو کمانڈر جنرل جان نکلسن نے میڈیا سے بات کی۔

جنرل نکلسن کا کہنا تھا کہ انہوں نے اب تک پاکستان کے رویہ میں کوئی تبدیلی نہیں دیکھی تاہم خطے کے استحکام اور دہشت گردوں کے خاتمے کے لئے پاکستان کے ساتھ کام کرنے کے لئے اعلیٰ سطح پر بات کر رہے ہیں۔

جنرل نکلسن نے کہا کہ پاکستان ایسے دہشت گردوں کے خلاف بھرپور کارروائیاں کر رہا ہے جو اس کی حکومت کو نقصان پہنچانا چاہتے ہیں جس میں انہیں کافی نقصان کا بھی سامنا ہے۔

نیٹو کمانڈر کا کہنا تھا کہ ہم پاکستان سے ایسے دہشت گردوں کے خلاف بھی کارروائی کا مطالبہ کر رہے ہیں جو افغانستان میں اور اتحادیوں پر حملے کر رہے ہیں۔

نیٹو کمانڈر نے مزید کہا کہ امریکا اپنی سمت کے حوالے سے واضح ہے اور ہم آئندہ چند ہفتوں یا ماہ میں بہت سی تبدیلی کی توقع رکھتے ہیں۔

تعارف: admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*