بنیادی صفحہ / اہم خبریں / خیبرایجنسی: افغانستان سے دہشت گردوں کا امن لشکر کے مورچوں پر حملہ

خیبرایجنسی: افغانستان سے دہشت گردوں کا امن لشکر کے مورچوں پر حملہ


پشاور: وفاق کے زیر انتظام قبائلی علاقے (فاٹا) کی خیبر ایجنسی میں افغانستان کے سرحدی علاقے سے دہشت گردوں نے امن لشکر کے مورچوں پر فائرنگ کی تاہم رضاکاروں کی جوابی کارروائی میں 2 حملہ آوروں کے ہلاک ہونے کی اطلاعات ہیں۔

سیکیورٹی ذرائع کے مطابق خیبرایجنسی کی تحصیل لنڈی کوتل کے علاقہ بازار زخہ خیل میں سرحد پار سےدہشت گردوں نے امن لشکر کے مورچوں پر حملہ کیا۔

ان کا کہنا تھا کہ امن لشکر کے رضاکاروں نے بھرپور جوابی کارروائی کی اور 2 گھنٹے طویل جاری رہنے والی لڑائی میں 2 دہشت گرد ہلاک ہوگئے۔

سیکیورٹی ذرائع کا کہنا تھا کہ دہشت گردوں کی لاشیں امن لشکر نے تحویل میں لے لیں۔

ذرائع کے مطابق رضاکاروں کی جوابی کارروائی میں مارے جانے والے دہشت گردوں کے دیگر ساتھی افغانستان کی جانب فرار ہوگئے۔

سیکیورٹی ذرائع نے مزید بتایا کہ طویل جھڑپ میں راکٹ لانچر اور مارٹر گولے استعمال کئے گئے تھے۔

تعارف: admin

جواب لکھیں

آپ کا ای میل شائع نہیں کیا جائے گا۔نشانذدہ خانہ ضروری ہے *

*